Մեղրիի քաղաքային համայնքի ավագանու անդամ

Սարգսյան Շուշանիկ Սարոյի

Ծնվել է 01 մարտի 1968թ.
Կրթությունը` բարձրագույն, մանկավարժ:
Մեղրու թիվ 2 դպրոցի պատմության և հասարակագիտության ուսուցիչ:
Հայաստանի հանրապետական կուսակցության անդամ:
“Հայաստանի պատանեկան նվաճումների” ՀԿ անդամ:
Աջակցել է <Մեղրու կանանց ռեսուրս կենտրոն> ՀԿ-ի կողմից 2011թ-ի Երեխաների պաշտպանության օրվան նվիրված միջոցառման իրականացման համար Մեղրիի զբոսայգու տարածքի մաքրման և բարեկարգման աշխատանքներին` ներգրավելով դպրոցականներին:
Ցանկանում եմ մասնակցել համայնքի կառավարմանը, որովհետև գիտակցում եմ, որ յուրաքանչյուր անհատ պարտավոր է իր ներդրումն ունենալ համայնքի խնդրների լուծման գործում: Հանրակրթության ոլորտում ևս լուրջ անելիքներ կան: Այդ խնդիրները անհրաժեշտ է տեսնել, բարձրաձայնել, ուղիներ որոնել դրանք լուծելու:

Ավագանու կազմում ես դա կանեմ ուղղակիորեն` հանրության և իրավասու մարդկանց ուշադրությունը բևեռելով առաջնահերթ լուծում պահանջող հարցերի վրա:

Համայնքի մասին հոգալը յուրաքանչյուրիս խղճի, հոգու ու սրտի գործն է:

Ագարակի քաղաքային համայնքի ավագանու անդամ

 

 Մանուկյան Բուրաստան Ցոլակի

Ծնվել է 20.09.1967թ.

Կրթությունը` բարձրագույն , մանկավարժ:

Ագարակի միջնակարգ դպրոցի աշխարհագրության ուսուցիչ:

Հայաստանի հանրապետական կուսակցության անդամ:

Հասարակական կազմակերպություններին չի անդամակցում:

Ցանկանում եմ մասնակցել համայնքի կառավարմանը, քանի որ քաջատեղյակ եմ համայնքի բնակիչների խնդիրներին: Բացի այդ, լինելով տեղի բնակիչ` ավելի սրտացավորեն կվերաբերվեմ  համայնքի հոգսերին ու դժվարություններին: Կարևոր եմ համարում նաև այն հանգամանքը, որ տեղական ինքնակառավարման մարմինները նպաստում են կառավարվողների և կառավարողների միջև սերտ կապի ամրապնդմանը և յուրաքանչյուր քաղաքացու հնարավորություն տալ իր ձայնը հեշտությամբ լսելի դարձնելու կառավարողներին:

Կարճևանի գյուղական համայնքի ավագանու անդամ

 

Ասատրյան Անահիտ Ռեմիկի

Ծնվել է 04.04.1957թ.

Կրթությունը` բարձրագույն , մանկավարժ:

Ագարակի միջնակարգ դպրոցի կենսաբանության ուսուցիչ:

<Բարգավաճ Հայաստան> կուսակցության անդամ:

Ցանկանում եմ մասնակցել համայնքի կառավարմանը, քանի որ ունեմ ցանկություն` վերափոխել կարճևանցիների  մաքրակենցաղությունը բարձրակենցաղության: Կարճևանի բնակիչների տնտեսական զարգացմանը զուգընթաց պետք է բարձրանա նաև նրանց քաղաքական ինքնագիտակցությունը, որի մեջ խիստ կարևորում եմ կանանց ներգրավվածությունը:

Տաշտունի գյուղական համայնքի ավագանու անդամ

 

Բաղրամյան Հեղուշ Հովնանի

Ծնվել է 13.07.1969թ.

Կրթությունը` բարձրագույն-տնտեսագետ, միջնակարգ մասնագիտական-դասվար:

Տաշտունի հիմնական դպրոցի ուսուցիչ:

Անկուսակցական:

Ցանկանում եմ մասնակցել համայնքի կառավարմանը և իմ օգտակար ներդրումն ունենալ համայնքի սանիտարական, բնապահպանական, մշակութային խնդիրների լուծմանը: Եվ ամենակարևորը` ցանկանում եմ նպաստել երիտասարդների և գյուղի միջև կապի ամրապնդմանը և աջակցել երիտասարդ ընտանիքներին:    

Լիճքի գյուղական համայնքի ավագանու անդամ

 Մարգարյան Թագուհի Սերժիկի

Ծնվել է 04.09.1982թ.

Կրթությունը` բարձրագույն, մանկավարժ:

Լիճքի միջնակարգ դպրոցի պատմության և հասարակագիտության ուսուցիչ:

Անկուսակցական:

Զբաղվում է կամավոր հասարակական ակտիվ գործունեությամբ:

<Մեղրու կանանց ռեսուրս կենտրոն> ՀԿ-ի  համագործակցությամբ` <Գործընկերություն և ուսուցում> ՀԿ- ի կողմից 2012թ-ին իրականացված <Ակտիվ քաղաքացիներ-զարգացած համայնքներ> ծրագրի շրջանակներում ԱԺ ընտրությունների տեղական դիտորդ:

<Վորլդ Վիժն Հայաստան> կազմակերպության կողմից 2010-2012թթ իրականացված <Առողջություն ընտանիքների համար> ծրագրի համայնքային ակտիվ և մայրերին աջակցող խմբի անդամ:

Ցանկանում եմ մասնակցել համայնքի կառավարմանը, քանի որ ինձ  հուզում են համայնքի զարգացման հեռանկարները և  համայնքի  կառավարմանը մասնակցելու միջոցով  իմ աջակիցների ջանքերով ցանկանում եմ նպաստել իմ ծննդավայրում  դրական տեղաշարժերի աճին: